En marcha as Escolas Deportivas de Monforte con 270 alumnos inscritos entre rapaces e adultos

As Escolas Deportivas Municipais de adultos do Concello de Monfrote xa iniciaron a súa actividade. Tamén principiaron as clases nas Escolas para cativos, nas categorías de Fútbol, Ximnasia Rítmica, Kung-Fu e Bádminton. E pouco despois comezaron a súa andaina as restantes Escolas para rapaces e rapazas, tales como a de Porteiros de Fútbol, a de Golf o sábado día 8 e a de Pádel o domingo día 9. O Concello organizou 11 Escolas, 7 para os máis pequenos e 3 para os adultos, rexistrándose a novidade da posta en marcha dunha Escola de Pádel para rapaces e rapazas, e dunha específica para a Terceira Idade.

As Escolas contan a día de hoxe coa participación de 270 alumnos, 156 nas Escolas para rapaces e rapazas e 114 nas dirixidas a adultos e terceira idade. En canto ás destinadas a cativos e adultos, estas tiveron unha gran acollida entre a cidadanía e houbo unha significativa ampliación da demanda, superando en 70 inscricións a cifra de matriculados en 2010.

A alta demanda nalgunhas modalidades deportivas levou ao Concello de Monforte a ampliar o número de prazas e reforzar o equipo das Escolas de Fútbol e Ioga. Non obstante, aínda hai prazas nas Escolas de Kung Fu, Bádminton, Ximnasia de Mantemento e Ximnasia para a Terceira Idade. Dende o Concello quixeron destacar que as Escolas Deportivas Municipais incrementan a súa oferta ano tras ano, un esforzo da área municipal de deportes que se ve recompensado coa magnífica resposta da cidadanía participando cada vez en maior número nas actividades.

Deixa unha resposta

Your email address will not be published.

Nova Anterior

Pilar Farjas, conselleira de Sanidade, fala sobre a área sanitaria de Monforte

Seguinte Nova

O torneo de golf Sierra Joyeros impulsa o turismo na Ribeira Sacra traendo a 160 xogadores

Últimas noticias sobre DEPORTES

A %d blogueros les gusta esto: