O torneo de golf Sierra Joyeros impulsa o turismo na Ribeira Sacra traendo a 160 xogadores

No campo de golf OCA Augas Santas Balneario & Golf Resort de Pantón disputouse hai uns días o primeiro Torneo Sierra Joyeros, patrocinado pola prestixiosa xoiería ourensana, onde se entregaron diferentes premios.

Pola súa parte, a proba quedou dividida en dúas categorías de xogo. O gañador absoluto na primeira categoría, neste caso gañadora, foi a xogadora de Augas Santas, Fátima Franco, que con 38 puntos relegou ao segundo posto ao xogador de A Rúa, Jorge Sixto, e ao terceiro posto ao xogador de Villa de Madrid, Andrés Ylla, ambos con 37 puntos. Na segunda categoría o vencedor foi o xogador do Barbanza Golf, Omar Suárez con 39 puntos, seguido do local José E. Blanco con 38 puntos, e da xogadora do Aeroclub de Santiago, Victoria Martínez con 37 puntos. O vencedor Scratch da competición foi unha vez máis o monfortino Manuel Hernández, cun resultado de 69 golpes (1 baixo par do campo). O premio para o mellor xogador senior foi para o xogador de Verín, Cándido López, sendo a mellor dama a xogadora do Aeroclub de Vigo, Amalia López-Boado.

Unha vez rematada a competición procedeuse á entrega de premios e sorteo de regalos nas terrazas do Hotel Balneario, onde o xerente de Sierra Joyeros, Gaspar Sierra, e o xerente de Augas Santas Golf, Rafael Sáen-Díez, ante o éxito de convocatoria, prometeron continuar coa segunda edición do torneo Cómpre destacar que durante a fin de semana de torneo foi difícil conseguir aloxamento tanto no balneario de Pantón como no resto de casas de turismo rural da zona, xa que os xogadores de golf e as súas familias aumentaron o número de visitantes e de ocupación na Ribeira Sacra; un factor que contribuiu tamén ao impulso turístico desta zona.

Deixa unha resposta

Your email address will not be published.

Nova Anterior

En marcha as Escolas Deportivas de Monforte con 270 alumnos inscritos entre rapaces e adultos

Seguinte Nova

A brasileira Martina Roese volta ao clube monfortino de volei

Últimas noticias sobre ASOCIACIONISMO

 
A %d blogueros les gusta esto: