Chantada ensalza os produtos da comunidade

O Concello de Chantada acollerá durante os meses de outubro e novembro unhas xornadas técnicas e de promoción, encamiñadas ao coñecemento dos produtos agroalimentarios de calidade de Galicia, e á consecución da formación axeitada para o aproveitamento e optimización dos recursos naturais do municipio. Xóvenes Agricultores-Asaja Galicia organiza este evento en colaboración coa Consellería do Medio Rural e o Concello de Chantada.

PROMOCIÓNS E CATAS

O programa inclúe a Promoción e Cata de Queixos D.O. Galegas os días 25, 26 e 27 de outubro no telecentro de Chantada; a Promoción e Cata de Mel I.X.P. Mel de Galicia o venres 28 de outubro ás oito e cuarto da tarde tamén no telecentro; unha Xornada de Agricultura Ecolóxica o día 3 de novembro ás oito e cuarto da tarde na sala de actos de Xóvenes Agricultores, en Chantada; e tamén unhas Xornadas de Viticultura-Enoloxía os días 7, 8 e 9 de novembro nas que se tratarán temas como a elaboración de viños ou a revisión de sistemas de poda para o control de producción. Estas xornadas levaranse a cabo na sala de actos da organización agraria ás oito e cuarto da tarde. A maiores de todo isto, os días 10, 11, 14, 15 e 16 de novembro celebrarase a Promoción e Cata de Viños das Denominacións de Orixe Galegas (Ribeira Sacra, Valdeorras, Monterrei, Ribeiro, Rías Baixas). Terán lugar tamén no telecentro da localidade ás oito e cuarto da noite. E xa por último, dende o día 17 ao 21 de novembro desenvolveranse as XVI Xornadas Micolóxicas; unha serie de cursos de iniciación á micoloxía con saídas prácticas a distintos hábitats micolóxicos, e cociña de setas. Todos os interesados en participar nas xornadas técnicas e de promoción deste 2011 en Chantada poderán facer a inscrición previa para cada unha das actividades nas oficinas de Xóvenes Agricultores.

Deixa unha resposta

Your email address will not be published.

Nova Anterior

Vivendas de promoción pública en Monforte e Chantada

Seguinte Nova

Como mellorar unha explotación gandeira

Últimas noticias sobre ECONOMÍA

     
A %d blogueros les gusta esto: