Na actualidade conta con 85 alumnos e sete disciplinas
En A Pobra do Brollón tamén está en marcha un novo curso da Escola de Música. Dita Escola comezou a funcionar no curso 2008-2009. Neste intre a matrícula supera os 80 alumnos de todas as idades; exactamente conta con 85 matriculados dende os catro anos ata xubilados. En canto ás materias, impártense as disciplinas de acordeón, gaita, percusión tradicional galega, piano, linguaxe musical e música e movemento para nenos, canto coral e baile tradicional galego. Asimesmo, conta con cinco docentes.
Pola súa parte, os alumnos da Escola participan todos os anos nos festivais das Letras Galegas e no seu festival de fin de curso, ademáis doutras actuacións en distintas festas do concello. E é que nestes tres anos, nenos da Escola participaron no festival de musica infantil de Sarria ou no programa da TVG A solaina. Ademais, o coro participou no programa Luar da TVG e no festival de corais A cereixeira en Coruña. No ano 2010 os alumnos participaron nunha grabación de estudio da que naceu o primeiro disco da Escola de Música. Cómpre sinalar tamén que a maiores, no centro organízanse actividades complementarias como son un curso de fabricación de instrumentos tradicionais, xuntanzas-concerto de alumnos, etc.
