Actividades diarias e para todos os públicos en Sober

Deportes variados para todas as idades, teatro, música e lectura son as aspostas culturais do Concello de Sober para os vindeiros meses

O Concello de Sober presentou hai uns días a programación cultural e deportiva para este outuno inverno 2011-2012. En canto ao ámbito deportivo destacan especialmente dúas novidades, que son as actividades de ping-pong, xadrez, tenis e baloncesto; e tamén os xogos de cartas e dominó. Pola súa parte, o ximnasio municipal xa ten abertas as súas portas dende o pasado 18 de outubro, e funciona en horario de mañá e de tarde, de martes a venres. Ademais, o uso das instalacións é gratuito. Outras das actividades que tamén se van levar a cabo son a escola de fútbol sala, charlas-coloquios sobre deporte e saúde, o IV Torneo de Fútbol 7 alevín “Por Terras do Amandi”, e viaxes-excursións a eventos deportivos de interese. A maiores, os veciños de Sober contarán con aeróbic, danza do ventre e unha escola de kárate e defensa persoal. Asimesmo, co obxectivo de chegar ao maior número posible de lugares, dende o Concello impartiranse clases de ximansia de mantemento en distintas parroquias. Estas terán lugar os martes e xoves en Sober, os mércores en Doade, Bolmente e Anllo San Esteban, os xoves en Arxemil, e os venres en Villaoscura. Todos os que estén interesados en participar ou en recibir máis información poderán facelo nas oficinas do Concello ou a través dos teléfonos 677.422.529 e 982.460.001.

Pola súa parte, en canto ás actividades culturais, estas deron comezo cunha obra de teatro e un obradoiro de orientación laboral no mes de outubro. Para o mes de novembro está prevista unha nova obra de teatro o día 5 ás seis e media da tarde no salón de actos do centro sociocultural do Concello; así como un pequeno concerto de acordeón ese mesmo día ás oito da tarde. Xa o venres día 11 celebrarase o magosto popular, mentres que o xoves día 10 e o sábado 12 terán lugar unhas xornadas micolóxicas. Para a segunda quincena de novembro está prevista unha excursión a Ourense. Por último, no mes de decembro terá lugar un novo concerto con un cuarteto de frautas Musor o sábado día 3, o festival de Nadal coa Escola Municipal de Música o sábado 17, e o pregón de Nadal e a inauguración do Belén o domingo 18. A maiores de todo isto, desenvolveranse unha serie de actividades semanais, tales como un obradoiro de memoria para adultos, obradoiros para nenos, o club de lectura e “Merendas con Contos” para todas as idades.

Deixa unha resposta

Your email address will not be published.

Nova Anterior

Actividades para dinamizar as parroquias

Seguinte Nova

VII Certame de Relato Curto de Quiroga

Últimas noticias sobre CULTURA

A %d blogueros les gusta esto: