As infraestruturas, principal investimento da Xunta no sur lucense para 2012

O pasado 20 de outubro, a conselleira de Facenda, Marta Fernández Curras, presentou o proxecto de Lei de Orzamentos de Galicia para 2012, destacando na súa presentación que a Xunta está a manter “a aposta polo equilibrio do territorio priorizando o gasto por habitante nas provincias de Lugo e Ourense”. Neste sentido, a titular de Facenda precisou que a suma dos investimentos da administración xeral e dos entes dependentes supón que o gasto por habitante para o vindeiro ano será de 926 euros na provincia de Lugo e de 838 na de Ourense, mentres que á de Pontevedra se destinará 639 euros por habitante e á de A Coruña 623.

A conselleira de Facenda, Marta Fernández Currás, e a presidenta do Parlamento de Galicia, Pilar Rojo, durante a presentación dos orzamentos para 2012. CF.

“OS ORZAMENTOS MÁIS SOCIAIS DA HISTORIA DA AUTONOMÍA”, SEGÚN FERNÁNDEZ CURRÁS

Na súa intervención tras entregar o proxecto de Lei de Orzamentos para 2012 no Parlamento, Fernández Currás calificou a estes orzamentos como “os máis sociais da historia da Autonomía, cun 76% do gasto destinado a sanidade, educación e servizos sociais, co que gañan 7,7 puntos de peso no que vai de lexislatura”. Ademáis, a titular de Facenda estimou que, segundo estes orzamentos, “Galicia poderá medrar un 1,1% o ano que ven, unha décima por enriba do estimado para España”. Fernández Currás destacou que as prioridades das contas autonómicas serán as de “continuar na senda da recuperación económica, a solvencia da Facenda autonómica e o mantemento das políticas do Estado de Benestar”.

CRÍTICA AO GOBERNO CENTRAL

A conselleira de Facenda reiterou que o goberno autonómico “actúa con prudencia e responsabilidade e aporta certezas” aprobando os orzamentos para 2012 “a pesar da irresponsabilidade do Goberno central ao non prorrogar nin aprobar contas e tampouco concretar cifras ás autonomías”. Nese sentido, Fernández Currás subliñou que Galicia está a aportar solvencia ao conxunto de España, por ser a autonomía “máis cumpridora e esixente” co proceso de consolidación fiscal.

INFRAESTRUTURAS: A GRAN INVERSIÓN AUTONÓMICA PARA O SUR DE LUGO

No detalle das inversións reais para o ano 2012, os orzamentos da Xunta para o sur de Lugo concéntranse nas infraestruturas, integradas no programa de investimentos da Consellería de Medio Ambiente, Territorio e Infraestruturas. En concreto, a vía de alta capacidade Sarria-Monforte conta cunha partida de 14.832.859 euros, o importe máis abultado das partidas destinadas a esta zona. Pola súa parte, o Porto Seco de Monforte acada unha partida de 2.895.740 euros para rematar as obras de urbanización da 1ªfase. En canto aos accesos á plataforma loxística, destínanse 130.648 euros á conexión coa LU-546, 63.948 euros ás obras do enlace coa N-120 e 724.323 euros destinados ás expropiacións dos terreos para dito enlace. Ademais destas partidas, a Xunta de Galicia destina para 2012 un total de 1,2 millóns de euros para a nova potabilizadora de auga de Monforte, e medio millón de euros a través de Augas de Galicia para promover melloras hidráulicas en Sarria. Por outra banda, a Consellería de Medio Ambiente destinará 103.962 euros para proxectos de rexeneración urbana en Pantón, e Cultura e Turismo aportarán 176.430 euros para novas infraestructuras turísticas en Sober.

“SUR DE LUGO, ESPAZO PREFERENTE PARA A XUNTA”

En relación cos orzamentos autonómicos para 2012, o deputado do PPdeG Dámaso López destacou que “dende a chegada do PP á Xunta permitiu recuperar o Porto Seco de Monforte”, ao que calificou de “proxecto esquecido polo bipartito”. Asimesmo, Dámaso López subliñou a “grande importancia” da vía de alta capacidade Sarria-Monforte para o desenvolvemento económico e a xeración de emprego no sur de Lugo, e insistiu na “aposta decidida” do executivo presidido por Alberto Núñez Feijóo polo reequilibrio territorial, sendo a zona sur de Lugo “un dos espacios de interés preferente para a Xunta”.

Deixa unha resposta

Your email address will not be published.

Nova Anterior

O ministro de Fomento asina en Monforte o compromiso de financiamento da ponte da Aceña Nova

Seguinte Nova

XXV aniversario do Hospital Comarcal de Monforte

Últimas noticias sobre ECONOMÍA

   
A %d blogueros les gusta esto: