As actividades ocupacionais e culturais para o inverno dan de todo un pouco e para todos os públicos é o que ofreceran este outono e inverno os obradoiros ocupacionais e culturais que fomentará o Concello. Dende o pasado 10 de outubro permanece aberto o prazo de inscricións e dende a Oficina Municipal de Información Xuvenil darase toda a información relacionada co conxunto de actividades.
Novas tecnoloxías
A aula da rede Cémit continuará a fomentar o achegamento ás novas tecnoloxías a través de distintas iniciativas relacionadas coa informática, pero tamén con outras aplicacións en sectores e actividades concretas que poden completar a formación de traballadores e estudantes. A rede Cémit ten enfocada toda a súa actividade á cidadanía en xeral, os profesionais das TIC, as empresas, as micropemes e autónomos e ás asociacións e empregados públicos. Toda a oferta que parte desta infraestrutura pode consultarse na web. O próximo curso será en dúas tandas, do 24 ao 27 de outubro e do 31 de outubro ao 3 de novembro respectivamente, e está enfocado á aprendizaxe na creación de webs para dispositivos móbiles. Neste obradoiro terase en conta o deseño efectivo diferenciando por exemplo os principais dispositivos , iPhone, Android e RIM Blackberry. E a informática pura, pero orientada a diversos sectores concretos completa este tipo de actividades, con diversos cursos e quendas, dende agora e deica o mes de marzo. Para os máis pequenos e tamén para adultos, haberá cursos de informática básica, e para os que xa están iniciados na materia tamén se impartirán clases de perfeccionamento. A mecanografía e as nocións sobre internet e correo electrónico serán outras das actividades que conforman a nova tempada.
Obradoiros
Aínda non ben despedidos do verán, o Nadal vense enriba, por isto se está a preparar o obradoiro de elaboración de agasallos con material de refugallo, outra actividade de balde que terá lugar na Casa da Cultura, será do 23 de decembro ao 4 de xaneiro. Tamén se aprenderán poderán aprender outro tipo de traballos manuais clásicos como o bordado, corte e confección xunto coa calceta e o ganchillo, estas actividades teñen un reducido custe por curso. Infantil Para os máis pequenos ofértanse tamén clases de apoio á materia de matemáticas a través dunha forma máis entretida e divertida de aprendelas. Tamén haberá, en máis dun centro educativo, clases de inglés enfocadas aos nenos.
Arte
A iniciación á pintura ao óleo tamén estará presente dentro deste programa de iniciativas formativas e culturais dirixidas aos sarrianos. As clases terán lugar, para nenos e adultos na Casa da Cultura dende o mes de outubro e ata maio. Servizo de conciliación da vida laboral e familiar As actividades relacionadas con este servizo funcionarán de luns a venres nas primeiras horas da mañanciña na Escola de Educación Infantil e no colexio Fray Luis de Granada. Todas estas iniciativas están promovidas dende a Concellería de Cultura e contan co apoio da Consellaría de Educación e da área de Cultura da Deputación de Lugo.
Cargando ...
