O cabeza de lista do PP ao Senado pola provincia de Lugo, Xosé Manuel Barreiro, referiuse na súa intervención no mitin celebrado o pasado 6 de outubro en Chantada á “aposta decidida, comprometida por Mariano Rajoy”, co sector primario. Dixo que o PP promoverá, no caso de gañar as eleccións, a incorporación de xóvenes á actividade agraria para frear o abandono do campo e o envellecemento da poboación no rural, facilitando así o relevo xeneracional. “Na Ribeira Sacra tedes moi presente, pola puxanza que ten a viticultura, o importante que resulta que os mozos se poñan ó frente das explotacións. Eles son a mellor garantía de que o sector teña futuro e así o están demostrando xa co recoñecemento e prestixio internacional que o seu traballo está a alcanzar”, indicou. “O Partido Popular respaldará ós emprendedores”, enfatizou. Barreiro tamén se referiu “ás infraestructuras aínda inexistentes reiteradamente prometidas polos socialistas, nomeadamente por José Blanco dende hai unha década”, facendo referencia á autovía Lugo-Ourense ou a que “ía unir Chantada con Monforte”, afirmou.
Últimas noticias sobre ECONOMÍA
O Concello de Sober converteuse esta semana no epicentro do lanzamento do «O Encontro de Sober»,
Este luns, 1 de abril, abre o prazo para presentar solicitudes ao programa ReAcciona da Xunta
Remarca a súa colaboración institucional para que manteña a súa sede en Monforte, e propón a
A Agrupación Empresarial da Ribeira Sacra organizou unha xornada para presentar propostas para a elaboración do
Desde a Xunta de Galicia, os populares galegos apoian o investimento, mentres nacionalistas e socialistas móstranse