Constitución da Mesa Provincial do Comercio en Lugo

A delegada territorial da Xunta, Raquel Arias, participou recentemente na constitución da Mesa Provincial de Comercio de Lugo, que agrupa a administracións públicas, asociacións de comerciantes e de consumidores e representantes de distintos concellos da provincia de Lugo.

A delegada territorial da Xunta en Lugo, Raquel Arias, durante a constitución da Mesa Provincial de Comercio de Lugo. DLXG.

COORDINACIÓN ENTRE ADMINISTRACIÓN, COMERCIANTES E CONSUMIDORES

A creación desta mesa realizouse en cumprimento da nova Lei que regula o comercio interior de Galicia e radica na necesidade “dunha coordinación entre a administración, os comerciantes e os consumidores no deseño e execución de políticas comerciais nestes concellos”, segundo indicou a delegada territorial. Raquel Arias participou como representante do Executivo galego na sesión constituínte desta mesa, na que tamén estivo representada a Deputación Provincial de Lugo, que debe coordinar a mesa, e participaron como vocais membros da Federación Galega de Comercio, da Federación Provincial de Amas de Casa, Consumidores e Usuarios Avantar. Segundo informaron dende a delegación territorial da Xunta, os obxectivos das mesas locais do comercio céntranse en lograr un maior dinamismo e modernización do comercio, erixirse en foro de debate plural e eficaz, e actuar como órgano consultivo e de coordinación local para consensuar as políticas municipais para a promoción da actividade comercial.

COLABORACIÓN NA PROMOCIÓN DO COMERCIO, ENTRE OUTRAS FUNCIÓNS

Asimesmo, durante a constitución desta Mesa Provincial anunciáronse as funcións deste órgano, entre as que están a participación no deseño das campañas de promoción do comercio, a emisión de informe nas campañas que se financien con fondos públicos, e tamén informar, con carácter preceptivo, nas solicitudes presentadas polos comerciantes para a realización das feiras de oportunidades. Ademais, estas Mesas actuarán como órgano consultivo do concello en todas as cuestións que afecten o comercio retallista do municipio, e serán oídas na elaboración de plans de tráfico e ordenación urbana.

BENEFICIOS PARA O PEQUENO COMERCIO

Raquel Arias destacou que a través das mesas locais e provinciais de comercio “pretendemos que o sector sexa consciente de que mediante a unión de todos pódese negociar, por exemplo, créditos e tipos de interese cos bancos, ou tamén negociar as tarifas da luz, así como outras moitas cousas que poidan beneficiar ó pequeno comercio”.

Deixa unha resposta

Your email address will not be published.

Nova Anterior

El Parador de Monforte, el sexto mejor valorado de España

Seguinte Nova

Premios por mercar en Chantada

Últimas noticias sobre ECONOMÍA

     
A %d blogueros les gusta esto: