Neste acto, a delegada territorial da Xunta en Lugo destacou o “empeño, o esforzo e o exemplo de colaboración” ofrecido por este colectivo, que durante os últimos meses, foi quen de acometer a rehabilitación integral dun inmoble abandonado na parroquia para poder empregalo como punto de encontro e lugar para a celebración de actividades por parte dos asociados e veciños da zona. Raquel Arias lembrou que a Xunta de Galicia contribuíu a esta iniciativa con 38.000 euros, a través da Axencia Galega de Desenvolvemento Rural, dependente da Consellería do Medio Rural. Arias significou que iniciativas como a promovida pola asociación cultural de Cerdeda “serven para vencellar e afianzar á poboación do rural no seu propio ámbito”. No acto estiveron presentes o alcalde de Taboada, Ramiro Moure; a deputada provincial, Pilar García; e o xefe territorial de Educación, José Ramos Ledo.
