A Deputación de Lugo abriu o prazo de solicitude das 385 prazas subvencionadas nos balnearios de Guitiriz, Pantón e Palas de Rei para o mes de decembro. Son as derradeiras localidades que ofrece a institución ós lucenses maiores de 50 anos mediante “Saúde e Benestar no Camiño”, o programa que facilita o acceso ós tratamentos termais existentes en Lugo, como unha alternativa de saúde que mellore a calidade de vida, potenciando ademais o turismo interior. Todos os interesados poder solicitar unha localidade chamando ó teléfono 982 260075.
A Deputación pon fin en decembro a esta iniciativa coa que contribúe a reactivar a economía e a fixar poboación, ademais de reivindicar que “hai vida máis alá do Ano Santo”. O motivo de estar incluído o Oca Augas Santa Balneario Golf Resort é a situación da zona sur de Lugo e en concreto Pantón, nunha das rutas xacobeas que atravesan a provincia.
Cargando ...
