Presentado o XL Nadal de Begonte, un dos maiores atractivos da provincia da tempada

A delegada territorial da Xunta en Lugo, Raquel Arias, presentou a XL edición do Nadal de Begonte, que cada ano atrae a centos de visitantes durante as festas navideñas. Arias destacou que o belén de Begonte e todo o movemento cultural e social que hai arredor del representa “un gran exemplo vital para todos nós”. Este evento engloba un abano de propostas culturais que se desenvolven ao longo de case dous meses e que ten como máis destacada manifestación o xa tradicional belén electrónico. Na presente edición, o pregón de apertura correrá a cargo do presidente da Xunta, Alberto Núñez Feijóo. En canto as iniciativas culturais que engloba o XL Nadal en Begonte, o mesmo día da inauguración actuará o Orfeón Lucense, para continuar en datas posteriores cos certames de xornalismo –patrocinado pola Xunta de Galicia-, poesía, debuxo infantil e o Certame Galego de Arte, todos eles convocados polo centro cultural José Domínguez Guizán.