Estes días os conductores e viandantes que pasen pola estrada Comarcal 546 que comunica Bóveda con Lugo poderán percibir a renovación da instalación de alueado público exterior. As obras, que están en marcha estes días son posibles grazas a unha axuda que o INEGA concedeu ao Concello e Bóveda. O importe total das actuacións ascende aos 66.000 euros, dos que o Instituto achega o 70%, o 30% restante corresponde á entidade municipal. O alumeado estase a cambiar nunha das marxes da estrada no tramo Rubián San Fiz.
As lámpadas de mercurio están a ser substituídas por halugenuros metálicos co que, segundo explicou o rexedor local, se gaña en luminosidade e afórrase en consumo e gastos de mantemento. Son un total de 37 luminarias na zona de San Fiz, pero estas obras tamén implican a canalización subterránea de servizos que xa non quedarán á vista ao longo de un quilómetro e medio. Trátase, informaron dende o goberno local, dun sistema moito máis moderno tanto na estética coma no seui funcionamento, destinado a reducir o consumo e doado de manexar mediante un sistema informático que , por exemplo, pode detectar automáticamente as avarías. Nesta semana está previsto o remate das actuacións coa instalación da totalidade dos novos equipos e lámpadas.
