Usuarios de vehículos todoterreo defenden o seu traballo en favor da natureza en Brollón

Varios motoclubes de Off Road de toda a provincia de Lugo reuníronse a principios de mes en Brollón co fin de analizar e tomar medidas de cara ás repercusións que a aprobación da nova Lei de Montes que está a tramitar a Consellería de Medio Rural pode ter nestes colectivos, e en xeral para calquera persoa ou colectivo que trate de acceder aos nosos montes para e disfrutar do contacto coa natureza, segundo explicaron dende Guímaro Motor, de Brollón. Para os mesmos desta agrupación que realiza, entre outras cousas, actividades de quad e moto de montaña, o motivo de preocupación sería unha alegación aceptada en principo e relativa ao artigo 88 do borrador, “servicios do monte” e recollida no “Informe sobre as alegacións ao borrador do Anteproxecto de Lei de Montes de Galicia.

A alegación aceptada e contra a que se amosan posicionados estes colectivos fundamentaríase na frase “unha das actividades que está mais en auxe e que provoca mais danos ao medio natural e a moitas propiedades privadas e públicas, así como ás infraestructuras do monte e incluso á seguridade das persoas que transitan polo mesmo, son as prácticas deportivas con vehículos a motor non organizadas, e especialmente as relacionadas con todoterreos, as motos de enduro e os quads” e acabaría propoñendo, segundo Guimaro Motor, que se prohiba acceder ao monte con vehículos a motor se o motivo é lúdico ou de ocio. Para estes colectivos an anterior “e unha afirmación falsa e incluso inxuriosa e atenta contra a dignidade de todos os que somos usuarios deste tipo de vehículos e amamos o monte e a natureza”, indicaron no seu comunicado de prensa. Para eles, en todas partes existen persoas con comportamentos “indeexables”, pero sosteñen que “ a inmensa maioría dos usuarios destes vehículos “ amamos e respecta,os a natureza e realizamos actividades para a súa conservación e recuperación e tamñen encamiñadas ao uso de camiños que se estarían a perder precisamente por non ser utilizados para outras tarefas. Por outra parte, Guímaro motor fai referencia á importancia das actividades que realizan estes colectivos tamñen no que se refire ao efecto sobre o tecido económico do turismo rural.

RECLAMAN UNHA REUNIÓN PARA EVITAR QUE VAIA ADIANTE A ALEGACIÓN

Nesta liña, o colectivo alerta de que “se finalmente o art. 88 da futura Lei de Montes se redacta segundo o proposto na alegación indicada, non só os afeccionados ós deportes de motor veremos imposibilitado o acceso ó monte, tampouco se poderá acceder se o fin é ir pasear cos nenos, ou facer fotos, ou recoller cogomelos, ou facer unha churrascada en calquera das moitas areas recreativas construidas a tal efecto”, indicaron. Estes colectivos de usuarios de vehículos todoterreo posiciónanse a favor dun regulamento para o uso do monte, “pero a modificación proposta na mencionada alegación non é unha regulación, simplemente imposibilita o disfrute do monte a un colectivo que loita pola sua conservación”. Por isto os clubes de toda a provincia reunidos na Pobra solicitaron unha reunión coa delegada da Xunta en Lugo, Raquel Arias.

Deixa unha resposta

Your email address will not be published.

Nova Anterior

Brollón continúa coa actividade social no Nadal

Seguinte Nova

O Concello de Monforte estrea unha web máis interactiva enfocada ao futuro

Últimas noticias sobre ASOCIACIONISMO

A %d blogueros les gusta esto: