Bóveda incorpórase ao Consorcio de Turismo Ribeira Sacra

Bóveda beneficiarase das políticas turísticas que cheguen aos municipios do Consorcio Turístico da Ribeira Sacra. A integración deste concello na enntidade que agrupa a 20 municpios das ribeiras ourensás e luguesas significa a incorporación do único municipio da Terra de Lemos que quedaba fóra do concepto máis oficial do territorio Ribeira Sacra no ámbito turístico. A proposta do Concello de Bóveda foi aprobada por unanimidade no Pleno do Consorcio, un feito que o alcalde de Bóveda, o popular José Manuel Arias, quere agradecer “ a todos os representantes municipais que integran o ente turístico”. Arias considera que este paso “ é moi importante para Bóveda para desenvolver plenamenteas súas posibilidades turísticas e de ocio” . A Ribeira Sacra vén de incluírse entre os 14 xeodestinos turísticos declarados nos pasados días pola Xunta de Galicia a través dun mapa deseñado para extraer todo o potencial do destino Galicia, a través dunha oferta diversificada, que permita incrementar a estancia media dos visitantes baixo o lema de que “ cada parte conta para o todo”. E a parte Ribeira Sacra da que agora tamén é Bóveda oficialmente non podía separar a este municipio do destino Ribeira Sacra, sostén o rexedor local.

Aínda que carente de ribeiras e de produción vitivinícola protexida, Bóveda pretende, segundo o goberno local, en canto á súa proximidade e en relación ao potencial de turismo rural similar ao doutros concellos da Ribeira Sacra, “non quedar fóra das oportunidades ao tempo que axudar a diversificar aínda máis a ampla oferta dun pequeno destino que está tirando cada vez máis pola súa variedade de atractivos”, considerou o mandatario municipal Do mesmo xeito que Bóveda conforma unha parte fundamental doutros grupos redefinidos recentemente como é o GDR Ribeira Sacra, “ non sería lóxico que quedara fóra noutros aspectos como é o turístico”, sentenzou Arias.

Deixa unha resposta

Your email address will not be published.

Nova Anterior

Todo o territorio municipal de Sober, declarado Área de Rehabilitación Integral

Seguinte Nova

Éxito da Feira Agroecolóxica «Bocados» en Monforte

Últimas noticias sobre ASOCIACIONISMO

A %d blogueros les gusta esto: