Ademáis do Certame de poesía de Nadal -en colaboración coa Biblioteca Nodal de Lugo- común a moitos dos concellos da zona sur de Lugo e Sarria, e das numerosas actividades teatrais impulsadas nestes días de decembro polo centro sociocultural do Concello de Pantón, o Nadal estará repleto de actividade neste municipio. Nada máis rematar as clases os rapaces terán actividades no centro sociocultural dende as 11:00 ata as 13:00 horas, de luns a venres, excepto os días festivos e o 24 e 31 de decembro.
O día 5 haberá un festival de Reis moi especial cunha festa infantil a cargo dun grupo de animación, tamén haberá xogos e obradoiros de tatoo ou globoflexia. Ás 19:00 horas, no salón de actos do edificio sociocultural, os Reis Magos de Oriente comezarán a recibir aos nenos asistentes que poderán falar con eles persoalemente ao tempo que recibirán algúns agasallos. Esta festa estará acompañada coa actuación da Banda de Gaitas de O Castro, ‘ Os Castros’.
Cargando ...
