• A pasada semana, os veciños da comarca de Sarria que foron premiados pola campaña de nadal da Asociación de Comerciantes e Empresarios de Sarria, reuníanse na sede do colectivo para recoller a súa recompensa por ter realizado compras na vila. Os premios consistiron desta volta en 15 vales de compra, dos que 5 son de 100 euros e os outros 10 teñen un valor de 50 euros para consumir no comercio asociado de Sarria. A data límite para canxealos será o 31 de xaneiro.
Os premiados con vales de 100 euros foron Lorena González, Martín López López, Felipe Fernández, Ana López e Eva López. Por outra banda, os premiados con vales de 50 euros foron Julia Graciana Pérez, Jennifer Rodríguez Losada, Begoña Campo Díaz, Josefa Alonso, Vanessa Fernández, María Valcárcel, María López Fernández, María Cruz López e Conchi Rodríguez. Os establecementos que deron os premios, ao azar, foron Calzados Chabel, Viajes Ecuador, Senayo, Calzados Gayoso, Ara Moda, Mercería Sarillo, Meigallo Complementos, Herboristería Linva, Peluquería Estilo e Ferretería Sarria.
