O PSOE reflexiona sobre a posible implantación da zona azul en Monforte

• Os socialistas monfortinos indican non ter tomada unha decisión firme para posicionarse sobre o polémico asunto, porque, entre outras cousas, din descoñecer unha proposta real por parte do goberno local cos estudos previos necesarios. Por outro lado consideran que este asunto que “foi unha promesa política do alcalde ao CCu antes das pasadas eleccións municipais, e os cidadáns non poden ser reféns das promesas do alcalde”. Por outra banda manifestáronse, a priori, contrarios a que a zona azul afectara a zonas próximas a servicios públicos educativos ou sanitarios, e consideran dificultosa a vixiancia por parte dunha plantilla da policía local que non supera os 16 axentes, entre outras eivas.