O Sergas achaca os problemas no ambulatorio durante o Nadal ao aumento dos casos de gripe xunto coas dificultades para contratar médicos substitutos

• O alcalde de Monforte, Severino Rodríguez, entrevistábase o pasado venres coa xerente de atención primaria en Lugo, Ana María García Cedrón, co fin de trasladarlle a situación vivida no centro de saúde de Monforte durante o Nadal. Moitos veciños e tamén algunhas forzas políticas coma o BNG trasladaron preocupantes queixas durante esas datas pola falta de atención a moitos pacientes debido á non substitución de diversos profesionais que tomaron días de vacacións. Nesas datas canceláronse citas programadas e pospúxose a atención aos usuarios por tempo superior a unha semana. Os pacientes, para paliar estas deficiencias, solicitaron asistencia urxente en lugar da que recibirían na cita ordinaria de non producirse o peche das axendas de médicos e de enfermeiras nos seus días de descanso.

Dende frontes coma o BNG xa denunciaran que “agardamos que a situación de austeridade se aplique noutros ámbitos e non na asistencia sanitaria básica, pois as consecuencias destes aforros tradúcense en gastos na asistencia urxente”, consideraron. Despois da reunión coa xerente de atención primaria que o rexedor monfortino considerou “positiva”, Severino Rodríguez indicou que a responsable do Sergas “foi receptiva ás queixas”, e se amosou “preocupada polos trastornos ocasionados á cidadanía”.

García Cedrón informou de que a situación vivida no ambulatorio monfortino foi un feito puntual que se viu agravado pola proliferación de casos de gripe e a propia crise económica, “que afecta a todos os sectores e dificulta a contratación de médicos substitutos”. A xerente de Atención Primaria manifestoulle ao alcalde a súa disposición para que disfuncións similares non volvan suceder, brindándose a manter un contacto permanente co rexedor para darlle resposta inmediata a idénticos problemas que puideran suceder no futuro.

Deixa unha resposta

Your email address will not be published.

Nova Anterior

O PSOE reflexiona sobre a posible implantación da zona azul en Monforte

Seguinte Nova

O PP de Monforte denuncia a falta de investimentos no polígono

Últimas noticias sobre POLÍTICA LOCAL

   
A %d blogueros les gusta esto: