Os parques comarcais de bombeiros de Sarria e Chantada suman 129 intervencións no ano 2011

• O parque de bombeiros comarcal de Sarria rexistrou no 2011, nos seus 7 primeiros meses de funcionamento, un total de 78 alertas, das cales 47 (un 59%) foron incendios, 9 forestais e 36 en vivendas, locais, naves, vehículos e mobiliario urbano. Contabilizáronse 11 excarcelacións e 7 rescates de persoas. A media mensual de incidencias foi semellante ao longo do ano, aínda que destacan xullo, con 15, e agosto, con 11, mentres que a cabeceira da comarca, Sarria, foi o concello no que se atenderon máis sinistros, 43. Noutro dos novos parques do Consorcio Provincial, o de Chantada, ocupáronse de 51 sinistros. Deles, 37 (un 72%) foron incendios: 18 forestais e 19 doutra índole. Houbo 6 excarcelacións, 2 rescates de persoas e 2 fugas de auga ou gas. Os meses que concentraron un maior número de emerxencias foron os de xuño e outubro, con 10 cada un, e agosto, con 9. Chantada rexistrou a maior cantidade de sinistros, con 22, seguido de Monterroso, con 6.

No total de parques comarcais, o que rexistrou un maior número de incidencias durante o 2011 foi o de Vilalba, con 82; seguido dos de Barreiros e Sarria, con 78; e Viveiro e Chantada, con 51. Os 5 parques integrados atenderon durante o 2011 un total de 340 emerxencias, das que na súa gran maioría, un 65%, foron incendios. Segundo o informe de actuación dos complexos, dos 219 fogos nos que interviñeron os efectivos o pasado ano, 159 (o que supón o 70%) tiveron lugar principalmente en vivendas, locais e naves (87), vehículos (35) e contedores de lixo (27). Os restantes incendios (60) foron forestais.

O parque de bombeiros de Monforte precisa moitas melloras

• O orzamento do Consorcio Provincial de bombeiros contempla unha partida de máis de 500.000 euros para a mellora e adaptación das instalacións do parque municipal de Monforte. Adquiriranse 1 camión bul e outro lixeiro, quedando 4 vehículos preparados para cubrir emerxencias ó igual que nas restantes instalacións contraincendios. Tamén se mercará todo o material interior, dende mobiliario ou material informático ata traxes de protección ou ferramentas, dadas as necesidades detectadas polos técnicos da entidade. Tamén se procederá á selección do persoal.

Deixa unha resposta

Your email address will not be published.

Nova Anterior

Crónica del arranque de año del Club Lemos: EL LEMOS HACE SUS DEBERES

Seguinte Nova

Últimos investimentos do canon: Contratadas máis do 90% das obras nos concellos afectados polos encoros

Últimas noticias sobre INFRAESTRUCTURAS

     
A %d blogueros les gusta esto: