“A Xunta sí inviste en Monforte”

Raquel Arias defende as actuacións do goberno galego en resposta a Severino Rodríguez

A delegada territorial da Xunta en Lugo, Raquel Arias, detallou as actuacións que está a desenvolver a Xunta “para promover o desenvolvemento de Monforte, á que se lle adica dende o Executivo galego máis aportación económica que ningunha outra administración”, sostén.

“RECUPERACIÓN” DA URBANIZACIÓN DO PORTO SECO

Arias fixo referencia a que dende que asumiu a responsabilidade de dirixir a autonomía, o actual equipo de goberno da Xunta, “pese á difícil conxuntura económica, recuperou a responsabilidade da urbanización do porto seco que, afirmou, quedara en suspenso tralas xestións realizadas polo bipartito, e que actualmente está en marcha a primeira fase da devandita urbanización, que supón un investimento de 12,3 millóns de euros en total.

ENTRADA EN SERVIZO DUNHA PARTE DO CORREDOR SARRIA-MONFORTE PARA ESTE ANO

A delegada territorial da Xunta en Lugo tamén se referiu a estrada Sarria-Monforte, “da que se está a afrontar a última fase dos traballos e na que, este ano, entrarán en servizo parte da mesma”. En total, a realización desta obra viaria, que comunicará Monforte co centro da provincia, ao conectarse coa estrada Sarria-Nadela, supón un investimento de máis de 150 millóns de euros.

DEMANDA DA NOVA POTABILIZADORA

Por outra banda, sinalou que “foi o actual Executivo galego e non outro” o que respostou positivamente para cubrir unha vella demanda de Monforte como é a construción dunha nova Estación de Tratamento de Augas Potables (ETAP) e a mellora da rede de abastecemento de augas con 2,5 millóns de euros comprometidos polo goberno autonómico. Raquel Arias destacou tamén o Plan de Banda Larga de Galicia, que empezou a despregarse nesta área e que suporía un investimento de arredor de 4 millóns de euros.

3 MILLÓNS EN SUBVENCIÓNS CONTRA O DESEMPREGO

Por outra banda, Raquel Arias lembrou que a Xunta suma tamén en torno a 3 millóns de euros en subvencións e liñas de axudas para promoción empresarial, programas de formación e fomento do emprego a través de plans de cooperación, cursos formativos ou cursos para persoas desempregadas. Xunto con esta inversión, Arias destacou o capítulo de actuacións no ámbito social e medioambiental, no que está incluída a mellora de camiños rurais e accesos a viñedos ou axudas a colectivos.

RÉPLICA A SEVERINO RODRÍGUEZ

A delegada territorial da Xunta lembraba esta relación de actuacións do goberno autonómico en Monforte despois de lamentar que nos pasados días “o alcalde de Monforte se teña adicado a criticar a actuación do Executivo galego na zona, cando existen probas diáfanas do empeño do Executivo galego en manter o impulso para desenvolver Monforte e toda a zona que hai ao seu arredor”. A máxima representante do Goberno autonómico na provincia entendeu que coas declaracións realizadas, ao rexedor monfortino “lle fastidia que sexa a actual Xunta a que se esté adicando a recuperar e executar aquilo que os seus compañeiros de partido estaban deixando morrer cando dirixían a comunidade como bipartito”. “Doutra maneira, non se pode entender o que se atreve a dicir”, agregou Arias.

ACUSACIÓNS “INFUNDADAS”

Para a delegada territorial “as acusacións infundadas, sen datos e sen números” do rexedor monfortino con relación á actuación do Executivo galego, só cabe entendelas como “a andanada periódica dun mal dirixente, que en lugar de gobernar, adícase a andar laiándose”. Segundo Arias, esta forma de proceder do alcalde de Monforte, “de andar con mentiras”, “é xa “habitual”, e puxo como exemplo o sucedido hai apenas dous meses coas queixas sobre os prazos para a mellora da potabilizadora dende o goberno local, cando o informe técnico ao que se aludía xa estaba no Concello.

Deixa unha resposta

Your email address will not be published.

Nova Anterior

O porco celta promociónase en Sarria cun gran cocido

Seguinte Nova

Feijóo destaca en Pantón o fomento da calidade no sector turístico e a aposta polos xeodestinos

Últimas noticias sobre ECONOMÍA

A %d blogueros les gusta esto: