Aposta pola mellora da calidade educativa

A Xunta asina contratos programa con 21 centros da provincia que desenvolverán 32 actuacións para a mellora da calidade educativa

A consellería de Cultura e Educación ven de poñer en marcha por vez primeira en Galicia os contratos- programa para a mellora da calidade educativa. Estes contratos programa foron asinados cun total de 144 centros educativos galegos, dos que 21 pertencen á provincia de Lugo. Estes centros lucenses recibiron o contrato- programa nun acto presidido polo conselleiro de Cultura e Educación, Jesús Vázquez, que estivo acompañado pola delegada territorial da Xunta en Lugo, Raquel Arias, e o director xeral de Educación, Formación Profesional e Innovación Educativa, José Luis Mira.

Javier Vázquez, conselleiro de Cultura e Educación, Raquel Arias, delegada territorial da Xunta en Lugo, e José Luis Mira, director xeral de Educación, Formación Profesional e Innovación Educativa, durante a presentación dos contratos programa na provincia de Lugo. GPCE.

IMPLICACIÓN DE TODA A COMUNIDADE EDUCATIVA E ADMINISTRACIÓNS

Segundo manifestaron os respresentantes autonómicos de Educación, o obxectivo destes contratos-programa é contribuír á mellora da calidade do sistema educativo de Galicia, implicando ao conxunto da comunidade educativa, á Administración e a concellos e outras entidades. Conforme a este compromiso, o departamento educativo da Xunta de Galicia dotará os centros dos recursos necesarios para o desenvolvemento das actuacións establecidas nos contratos-programa. Así mesmo, certificarase como actividade de innovación educativa a participación do profesorado no desenvolvemento destas accións, que se poderán difundir ademais como exemplo de boas prácticas no eido do ensino.

CINCO LIÑAS DE ACTUACIÓN

Segundo informou a consellería de Cultura e Educación, cada un dos centros participantes analizou as súas fortalezas e debilidades e propuxo medidas específicas de actuación, de xeito que o programa elaborado dea resposta ás súas necesidades reais. En concreto os centros traballaron en torno a 5 liñas de actuación, nomeadamente o reforzo, a orientación e o apoio; a mellora da lectura, da escritura e do cálculo; a mellora da convivencia; a redución do abandono escolar; e a mellora do nivel de coñecementos para acadar a excelencia.

MÁIS DE 1400 ALUMNOS BENEFICIARANSE DESTA INICIATIVA

Os 21 centros lucenses participantes desenvolverán un total de 32 actuacións, enmarcadas nas 5 devanditas liñas, nas que participarán 64 profesores, e das que se beneficiarán 1.439 alumnas e alumnos. Destes estudantes, o 56 % participarán en actuacións para a mellora de lectura, escritura e cálculo; o 35 na de reforzo, orientación e apoio; o 5 % na de mellora da convivencia escolar, o 3 % na de mellora do nivel de coñecementos para acadar a excelencia e o 1% na de redución do abandono escolar. No sur de Lugo, os centros que asinaron contrato-programa son os IES Lama das Quendas (Chantada), e A Pinguela (Monforte), e os CEIP A Gándara (Monforte), Colexio Novo (Monforte) e o CEIP de Quiroga.

Deixa unha resposta

Your email address will not be published.

Nova Anterior

Cinco produtores participarán na Mostra do Aceite quirogués

Seguinte Nova

Atraer 2.000 visitantes en febreiro para activar a economía da provincia

Últimas noticias sobre CULTURA

   
A %d blogueros les gusta esto: