Quiroga comeza a organizar a Feira do Viño

O concello de Quiroga abriu o prazo para realizar as inscripcións para a XXX Feira do Viño de Quiroga, que terá lugar os días 7 e 8 de abril. Os colleiteiros interesados en participar nesta edición deben dirixirse ao concello antes do día 3 de febreiro. Os requisitos necesarios para participar son, entre outros, ter unha cantidade mínima de 200 botellas de viño branco e de 250 de tinto para presentar na feira, e ter outra cantidade igual ou superior na adega; que a gradación alcohólica mínima esixida será de 12 graos para os viños brancos e de 11,5 para os tintos. A acidez volátil máxima permitida será de 0,5 gramos de acético por litro para o viño branco e de 0,6 para o tinto. Os colleiteiros seleccionados deberán aboar cen euros para participar.