Un total de 11 barrios e 8 centros de ensino participaron o pasado xoves nun arranque de entroido que parece anunciar un bo nivel de participación nos festexos. Os veciños non parecen renunciar a dar cumprimento ás tradicións do entroido na nosa zona, poñendo de manifesto o carácter lúdico, satírico e crítico desta festa nun ano de dificultades económicas e sociais. O inxenio dos veciños quedou patente nas temáticas dos compadres, que incluíron asuntos coma o caso Urdangarín e mesmo reivindicacións tan locais como as eternas promesas incumpridas e a decadencia do ferrocarril na cidade. Por outro lado, tamén tiveron presenza as representacións de oficios tradicionais, como o da poda na parroquia de Distriz.
Cargando ...
