Recentemente, quedaron rematadas as tarefas de mellora que se acometeron en camiños do núcleo chantadino de Esmoriz e noutros do mesmo municipio, grazas ao investimento da Consellería de Medio Rural e do Mar, que ven de investir 52.346 euros nesta actuación. Neste sentido, a delegada territorial da Xunta en Lugo, Raquel Arias, lembrou que a Xunta, a través da Consellería do Medio Rural e do Mar, leva investidos “máis de 800.000 euros na mellora de dotacións rurais na comarca de Chantada” dende o ano 2009 a través de distintos plans.
SERVIZOS BÁSICOS PARA OS VECIÑOS NO RURAL
Segundo declarou Raquel Arias, o obxectivo destas acutacións busca “dinamizar as áreas rurais e desenvolver todo o seu potencial, para incrementar así a calidade de vida da poboación”. Arias detallou que o propósito destas actuacións céntranse en proporcionar aos veciños do rural servizos básicos, como o abastecemento de auga, saneamento, mellora de camiños agrícolas e pistas rurais, alumeado ou mellora dos regadíos.
“DISCRIMINACIÓN POSITIVA” PARA REEQUILIBRAR OS TERRITORIOS
No caso da comarca chantadina, ademais das obras referidas, o departamento autonómico investiu tamén noutras actuacións que melloraron os servizos existentes en núcleos rurais de Carballedo, Taboada e Chantada. En total, nestas actuacións investíronse preto de 250.000 euros. A delegada territorial subliñou que a Xunta, a pesar da actual situación de contracción económica, “está a incidir neste tipo de actuacións que serven para reequilibrar as dotacións e servizos entre os distintos territorios e que, en definitiva, repercuten nunha discriminación positiva para a Galicia interior”.
Cargando ...
