Aula móbil sobre o Plan de Banda Larga en Sober

Os próximos días 28 e 29 de marzo, Sober acollerá o Roadshow Movistar Galicia, unha aula móbil que percorrerá durante os próximos 3 meses 34 municipios galegos e cuxo obxectivo é achegar as vantaxes e utilidades de internet á poboación rural. As accións céntranse nos municipios aos que o Plan de Banda Larga da Xunta e Movistar xa posibilitaron a conexión á rede. A Secretaría Xeral de Modernización e Innovación Tecnolóxica e Movistar presentaron esta iniciativa e destacaron a importancia de informar “a pé de rúa” ao cidadán dos avances do Plan de Banda Larga na súa localidade e tamén de xerar demanda de uso “informando das vantaxes que internet lle pode proporcionar a cidadáns e empresas no día a día”.