Aprobadas as obras do PEIM Rural para arranxar diversos viais en Pantón

Nos pasados días finalizaron as obras de mellora da zona que comunica a rúa Ourense coa Casa Consistorial de Ferreira e que contaron cun investimento de 185.000 euros que contribúen ao acondicionamento urbanístico da vila e da súa zona máis céntrica. Por outra banda, e tamén moi orientado de cara á estética urbana e o turismo, rematados os primeiros traballos, en Pantón agardan pola terceira fase da mellora da rúa do convento das Bernardas, que segundo comprometeu a Xunta, se levará a cabo nos vindeiros meses. Despois de diversas actuacións de mellora de pavimentos e dotación de mobiliario urbano, resta o soterramento de cables de luz e telefonía para dar unha mellor imaxe a unha das portas de entrada ao municipio e tamén á Ribeira Sacra, xa que se trata do contorno dun dos mosteiros de maior importancia de toda a área.

SANEAMENTO DE AUGAS

O alcalde de Pantón, José Luis Álvarez, colocou entre as obras máis inmediatas o colector de Tuiriz e a segunda fase do de Eiré, que están en fase de subasta e pendentes de adxudicar para escomezar os traballos.

PEIM

Correspondentes á última convocatoria do Plano Estratéxico de Infraestruturas no Medio Rural -PEIM-, Pantón conta xa ca aprobación das próximas actuacións. Desta maneira realizaranse melloras en accesos en Moreda, Vilaside en Espasantes, Ribeiras de Miño e executaránse melloras nas vías Goián-Armental e Goián-Moreda. Ademais, tamén se mellorará o acceso á praza de Mañente e algúns accesos en San Vicente de Castillón. Finalmente, na entrada da N-120 cara a estrada de Escairón, no contorno do campo de fútbol e o tanatorio, está prevista a habilitación dun espazo que poderá dar servizo de aparcadoiro.

Deixa unha resposta

Your email address will not be published.

Nova Anterior

O PSOE monfortino leva ao pleno dúas peticións veciñais

Seguinte Nova

Maiorga, nova apertura en Semana Santa

Últimas noticias sobre ECONOMÍA

A %d blogueros les gusta esto: