Máis de vinte persoas iniciaron o pasado día 21 na Academia Galega de Seguridade Pública (Agasp) o curso de formación inicial para bombeiros de novo ingreso, destinado ao persoal que prestará servizo nos parques do Consorcio Provincial de Lugo, que conforman a Xunta de Galicia e a Deputación Provincial de Lugo. Son 21 aspirantes seleccionados pola empresa Natutecnica -concesionaria dos parques da zona sur de Lugo en Chantada, Monforte e Sarria- para cubrir postos de bombeiros ou de bolseiros no parque de Monforte, que se integrará nos próximos meses no Consorcio provincial de Lugo; así como nos de Chantada e Sarria, onde poderían quedar prazas libres como resultado dos movementos internos previos do persoal da empresa que xa está traballando naqueles parques e que poderían optar por Monforte.
O curso desenvolverase durante dous meses na Agasp. Os contidos que se estudarán, ademáis da meirande parte de práctica, van dende a teoría do lume; axentes e servizos extintores, primeiros auxilios; rescates, desescombros, entre outras materias como accidentes de tráfico, risco químico ou conducción e mantemento de vehñiculos en altura. Tamén recibirán clases na empresa Seganosa, e no parque de bombeiros de Chantada. O vindeiro 23 de maio, a empresa adxudicataria determinará que persoal cubrirá postos de bombeiros ou bolseiros segundo os resultados desta formación. O parque municipal de Monforte entrará en funcionamento como servizo comarcal unha vez rematado o acondicionamento das instalacións.
Cargando ...
