Sarria, capital do antigo

A Feira de San Lázaro de Antigüidades e Restauración de Sarria chega este ano á súa decimosetima edición converténdose ademais na Primeira Feira de Antigüidades da Eurorrexión. Desta volta preténdese recuperar con ganas o fulgor desta cita, e estase a facer a través do Centro de Referencia de Antigüidades e Restauración creado no marco da asociación de municipios do Eixo Interior, no que traballan xa dúas personas, co fin de impulsar o sector e consolidar a zona como un referente nestes campos. Os verdadeiros protagonistas serán novamente o nutrido grupo de anticuarios de Sarria, dous deles centrados exclusivamente na venta a través de Internet. Sen embargo, a feira será un mercado urbano que englobe coleccionismo e antigüidades, contando con 8 expositores locais e 10 expositores de distintas localidades da Eurorrexión Galicia – Norte de Portugal. Ao moble ou obxecto antigo engádense outros complementos que enriquecerán a chegada de visitantes durante a fin de semana do 31 de marzo e 1 de abril.

Mobles e obxectos antigos nunha das pasadas edicións da Feira de San Lázaro. ARQ.EC

Tal como detallou a concelleira de Turismo, María Ana de Jesús Fernández, terán presenza outros puntos do eixo interior da Eurorrexión. Barcelos achegará dende o seu Centro de Mercados Tradicionais todo aquelo relacionado coa artesanía e os vellos oficios, e O Barco de Valdeorras contribuirá con postos de produtos tradicionais relacionados sobre todo coa alimentación, promocionados dende o centro de referencia desta localidade e integrante do proxecto común dentro da Eurorrexión. A rúa do Porvir e a zona de San Lázaro concentrarán, como ven sendo habitual, todos os stands de venta, pero tamén haberá actividades paralelas como a actuación de danza e música que levará a cabo o grupo Peleriños de Sarria.

OBRADOIROS

Entre estas actividades haberá unha serie de obradoiros que ademais se prolongarán máis aló dos días da feira de San Lázaro. A través dos talleres, todos os que o desexen poderán entrar en contacto cos xogos esquecidos, coas técnicas de restauración de moble antigo, ou mesmo coa luthería a través das clases de Germán Luthier.

EXPOSICIÓNS

Outra das iniciativas complementarias está composta por tres exposicións que tocan diversas áreas. Unha delas é a que alberga os traballos de talla en madeira realizados polos alumnos do curso do colectivo Sarricanta, e será o domingo na Escola Taller. Por outra banda, como ven sendo habitual, a sala de exposición de Rodim, na propia rúa San Lázaro, estará aberta durante toda a fin de semana para visitar a nova mostra do artista. A terceira das exposicións é a que o Concello de Sarria fai en colaboración co Centro de Artesanía e Deseño da Deputación de Lugo enfocada aos traxes tradicionais de labranza e elementos etnográficos, na Casa da Cultura.

NOVIDADES

Varios restaurantes de Sarria ofrecerán un menú e tapas especiais durante esta fin de semana, e tamén haberá por iniciativa dos anticuarios un sorteo dunha peza antiga entre os compradores.

Deixa unha resposta

Your email address will not be published.

Nova Anterior

Cita co viño artesanal na Feira do Viño de Quiroga

Seguinte Nova

E-administración: aforro e eficiencia para a xestión municipal

Últimas noticias sobre ASOCIACIONISMO

     
A %d blogueros les gusta esto: