O pasado 7 de abril quedou constituida a Asamblea Nacionalista de Chantada, integrada polos 38 ex membros do Bloque Nacionalista Galego de Chantada e aos que se están a sumar, segundo informou o portavoz do Grupo Municipal nacionalista de Chantada, Ildefonso Piñeiro, “outras persoas que viñan actuando en iniciativas culturais e sociais na nosa vila”.
OBXECTIVOS DA NOVA FORMACIÓN
Segundo explicou Piñeiro, os primeiros obxectivos desta Asamblea son “a coordinación e apoio ao Grupo Municipal Nacionalista para continuar a defender o programa electoral que moitas das persoas que agora forman parte desta Asamblea apoiaron, traballaron, difundiron e defenderon nas eleccións municipais, e a ampliación da propia asemblea á cidadanía que queira participar directamente e non ser so consumidora de pratos precociñados”. “O que nos une é a defensa da maioría social que en Chantada e en Galicia sofren as políticas aniquiladoras dos seus dereitos e benestar, a defensa de Chantada e de Galiza pero garantindo o protagonismo directo da cidadanía con formas de democracia directa”.
Cargando ...
