Nesta edición da Copa Deputación de Fútbol participan o total dos equipos lucenses desde 3ª Autonómica a Preferente Autonómica (con só un par de equipos que renunciaron a participar), e os emparellamentos realizáronse por sorteo puro, como vén sendo habitual, no caso de 1ª e Preferente Autonómica, e por proximidade no caso da 2ª e a 3ª autonómica. A Copa Deputación feminina, nesta cuarta edición, ao contar con catro equipos participantes da provincia (a totalidade) disputarase por primeira vez con dúas semifinais, que serán entre Peluquería Mixta Friol e Monteforte, e Milagrosa-Chantada, con horarios por determinar. Para a posta en marcha desta última edición da Copa Deputación, a Área de Deportes da entidade provincial conta cun orzamento semellante ao do ano pasado, de case 90.000 euros. Dos clubs deportivos participantes no trofeo, o campión e subcampión da categoría 1ª Autonómica e Preferente Autonómica, será premiado con 5.000 e 4.000 euros respectivamente. Ademais, cada equipo recibirá 450 euros por partido xogado.
En 2º e 3º Autonómica, os premios alcanzarán os 4.000 e os 3.000 euros, e os clubs percibirán 385 euros por partido disputado. Para os equipos do sur de Lugo, en preferente autonómica e 1ª autonómica, o 25 de maio serán o Páramo-Lemos e o Bóveda-Lourenzá. En 2ª e 3ª autonómica, disputaranse os partidos Sarria-Oural, Escairón-Rubián, SD Chantada- Chantada AT, Brollón-Quiroga, Calasancio-Areas e Sober-Río Sil, o 6 de maio en partido de ida, e a volta será o 13 de maio.
Cargando ...
