Pantón aposta pola proxección turística coa futura rehabilitación integral do poboado da Chaira

Turismo de calidade e diferenciación da oferta turística son os puntais sobre os que se define o proxecto de rehabilitación integral do poboado da Chaira, en Pantón. Esta idea partiu do propio concello, que leva madurando o proxecto dende hai tempo, e que acaba de acadar o compromiso da Xunta de Galicia de estudar o seu desenvolvemento. No encontro que mantiveron en Santiago o pasado día 10 de abril o presidente da Xunta, Alberto Núñez Feijóo, e o alcalde de Pantón, José Luis Álvarez Blanco, avanzaron nas posibilidades de recuperación do poboado da Chaira, situado na marxe luguesa do río Sil, enclave que foi levantado a finais dos anos 40 co obxecto de albergar aos traballadores da construcción do embalse de Santo Estevo, e que na actualidade se atopa deshabitado.

O presidente da Xunta, Alberto Núñez Feijóo, e o alcalde de Pantón, José Luis Álvarez Blanco, no encontro mantido en Santiago o pasado día 10 de abril. GPPXG.

MÁIS OFERTA DE TURISMO DE CALIDADE NO SUR DE LUGO

A recuperación deste poboado a través da súa rehabilitación e posta en valor mediante unha definición de usos públicos que dinamice o contorno suporía, según apuntou o alcalde de Pantón, unha inversión de entre 5 e 6 millóns de euros. Esta intervención implicaría, según Álvarez Blanco, non só “a aposta por un turismo de calidade e diferenciado”, senón tamén “a posta en valor de toda a zona”. Aínda que o proxecto está dando os seus primeiros pasos para analizar as actuacións máis oportunas e “ver que se pode facer”, o rexedor de Pantón adiantou que se estima en 40 postos de traballo os que xeraría a posta en marcha deste proxecto “relevante para toda a Ribeira Sacra”. O aproveitamento do poboado da Chaira como residencia rural, e que podería contar incluso coa construción dunha “vila literaria” que complemente a función de aloxamento, suporía ter cuberta a oferta de turismo de calidade na franxa entre Lugo e Ourense. O complexo de A Chaira viría a sumarse á rehabilitación do poboado de Os Peares con fins turísticos, e á rede integrada polo Parador de Santo Estevo, o Parador de Monforte de Lemos, e o Hotel Palacio de Sober. As expectativas sobre as posibilidades turísticas do entorno que se está a estudar en A Chaira son moi boas, según sinala o alcalde de Pantón, xa que “nos tempos que corren, non tería sentido pensar que unha empresa vai vir a emprender un proxecto para nada”.

Un momento da reunión de traballo en Santiago entre o presidente da Xunta e o alcalde de Pantón. GPPXG.

OUTRAS ACTUACIÓNS

Aínda que o encontro mantido entre o presidente da Xunta e o alcalde de Pantón estivo centrado no proxecto de A Chaira, tratáronse asimesmo outros asuntos de carácter xeral. Nesta liña, Álvarez Blanco anunciou diversas actuacións que se van poñer en marcha en breve, como o colector de Tuiriz, a sustitución de parte do tellado do mosteiro das Bernardas dado o seu deficiente estado, o remate da segunda fase das actuacións na entrada a Pantón co soterramento do cableado, e diversas medidas adicionais en mellora da seguridade vial no núcleo de Ferreira.

1 Comment

  1. Queridos Amigos de Ferreira de Panton;que alegria saber de uds, que estan creciendo, haciendo obras y tratar de rehabilitar los pueblos, ya que la zona es muy bonita, Sr Alcalde, que tal Jose, no sabia nada, que bien, bueno suban fotos, para poder mostrarles a los de aca, el pueblo donde vivi unos años y deje muchos afectos, saludos y cariños desde el otro lado del charco. Alejandra

Deixa unha resposta

Your email address will not be published.

Nova Anterior

O comercio de proximidade amplía os horizontes de venda

Seguinte Nova

Aposta pola sustentabilidade e a habitabilidade no medio rural

Últimas noticias sobre ECONOMÍA

 
A %d blogueros les gusta esto: