Campaña para o uso de bolsas de tea no concello de O Incio

A iniciativa conxunta entre o Concello e Sogama suporá a distribución entre os veciños de 1.000 bolsas de algodón biodegradable e reutilizables

A Sociedade Galega do Medio Ambiente (Sogama) ven de informar da campaña emprendida polo Concello de O Incio en colaboración con esta entidade para promover entre o vecindario o uso de bolsas reutilizables de tea, e evitar así o consumo masivo de bolsas plásticas non biodegradables, que supoñen un gran impacto medioambiental.

RECUPERACIÓN DUNHA PRÁTICA TRADICIONAL NO RURAL

Esta campaña, emprendida baixo o lema “Desembolsamos o plástico. Ecoloxizamos O Incio”, é unha iniciativa coa que ambas entidades pretenden instar á recuperación de prácticas tradicionais asentadas entre a población ata non hai moitos anos, especialmente no medio rural, pero que progresivamente foron sustituidas pola cultura de “usar e tirar”, o que se ven traducindo nun incremento da produción de residuos, especialmente de envases e envoltorios.

MÁXIMO APROVEITAMENTO CON MÍNIMO GASTO

Segundo explicaron os responsables municipais e da entidade medioambiental, a maior conciencia ecolóxica de hoxendía, unida ao impacto da actual crise económica, supoñen de feito un cambio de hábitos que leva aos consumidores a retomar a cultura do máximo aproveitamento con mínimo gasto. Os responsables da iniciativa recalcaron a importancia de apostar plenamente pola reutilización, integrada de cheo no principio xerárquico das tres erres, e que debe ser complementada coa redución do lixo e a súa correcta separación para posibilitar a súa posterior reciclaxe. Con este fin, o Concello de O Incio distribuirá en torno a 1.000 bolsas de algodón biodegradable, serigrafadas con tintas non contaminantes, co fin de animar o vecindario a que as utilicen nas súas compras diarias, sustituíndo ás fabricadas con plástico, material cun forte impacto negativo no medio ambiente.

BOLSA DE PLÁSTICO: 15 MINUTOS DE USO, CENTOS DE ANOS ALTERANDO O MEDIO NATURAL

Segundo explicaron os responsables de Sogama, nas últimas décadas, o consumo de bolsas plásticas dun só uso disparouse de xeito alarmante: cada habitante utiliza anualmente unha media de 238 unidades, das que tan só o 10% acaba no contenedor de cor amarelo para ser transformadas en novos produtos. Ademáis, o feito de que o peso das bolsas se reducira ata nun 75% dificulta tamén a súa reutilización como bolsas de lixo doméstico, favorecendo que viaxen arrastradas polo vento a campos e bosques, onde poden tardar ata catro séculos en desaparecer. A pesares de que unha bolsa convencional ten unha vida útil de 15 minutos, o xusto para levar a compra da tienda á casa, no entorno natural pode tardar centos de años en descomponerse.

PROGRESIVA SUPRESIÓN DO USO DE BOLSAS DE PLÁSTICO ATA O ANO 2018

A Lei 22/2011, de 28 de xullo, de Residuos y Suelos Contaminados, pretende sustituir, para o ano 2013, o 60% das bolsas plásticas dun só uso, aumentando esa porcentaxe ata nun 70% para antes do 2015, data a partires da cal se obligará a marcalas cunha mensaxe sobre os seus perniciosos efectos medioambientais, e a un 80% para o 2016, período no que o Goberno nacional evaluará a consecución dos obxectivos deste calendario e a conveniencia de adoptar medidas fiscais sobre o seu consumo. En todo caso, a pretensión última é a eliminación do 100% deste tipo de bolsas para o ano 2018, con excepción das que se usen para conter alimentos perecedeiros como peixes e carnes.

Deixa unha resposta

Your email address will not be published.

Nova Anterior

O 13 de maio, próxima cita do Circuíto Ribeira Sacra de Carreiras Populares en Brollón

Seguinte Nova

O programa provincial Km0 segue a achegar visitantes á zona sur de Lugo

Últimas noticias sobre ECONOMÍA

A %d blogueros les gusta esto: