Durante os xoves do mes de maio, o Centro de Maiores de Novacaixagalicia en Monforte está a organizar un ciclo de cine solidario, ao que se poderá acceder previa entrega dun litro de aceite ou dunha lata de conservas antes de cada proxección. As unidades recollidas serán entregadas en xuño á Cáritas.
COLABORAR CON CÁRITAS E OFRECER OUTRA OPCIÓN DE OCIO
O obxectivo desta iniciativa, na que se realizarán pases de catro obras mestras do cine clásico en branco e negro, é axudar e colaborar o máis posible con Cáritas, ao tempo que se dá a oportunidade de descubrir outra forma de recreación e entretemento. As sesións terán lugar todos os xoves de maio, agás o día das Letras Galegas, que non hai proxección, ás 17,30 horas na sala multiusos do primeiro andar. O xoves 24 proxectarase o filme “Testemuña de cargo”, e o día 31 “Matar un reiseñor”, de Robert Mulligan, película que porá fin a este ciclo de cine solidario.
Cargando ...
