O Concello de Monforte afirma que a reforma da Praza de Abastos non afectará ao emprego

O Concello de Monforte lembrou que o obxectivo fundamental co que se emprendeu a reforma da Praza de Abastos foi impedir “o continuado decrecemento da actividade comercial que dende hai anos vense producindo neste recinto”. Con tal fin, o Concello planteou unha serie de actuacións para convertir a Praza de Abastos “nun centro estratéxico para a promoción do pequeno comercio e o eixo para a comercialización de produtos tradicionais e artesanais de calidade”. En relación co primeiro obxectivo, instalarase un espazo de usos múltiples na zona central do edificio, cunha cafetería restaurante “que creará postos de traballo e dinamizará o comercio”. Asimesmo, para os responsables municipais a dinamización comercial deste espazo “pasa pola ampliación e polo aumento da variedade da oferta”, algo imposible de acadar co posto de conxelados que houbo ata hoxe e que ocupaba cinco prazas. Esta “reorganización de espazos obrigou a realizar o rescate da concesión, de mutuo acordo co propietario e por un prezo inferior ó 50 % do que lle correspondería segundo a Lei de Contratos do Sector Público”, explicaron. “Asimesmo, o propietario do citado posto manifestounos a súa intención de xubilarse no ano 2014, co que estaríamos adaptando o proxecto ás necesidades dun empresario que en poucos anos deixaría o seu posto”, puntualizaron dende o Concello, ao tempo que informaron de que van a saír a concurso dous postos agora baleiros. O Concello lembrou que a execución do proxecto supuxo a completa reestruturación da Praza de Abastos en fontanería, saneamento, electricidade e ventilación.

Deixa unha resposta

Your email address will not be published.

Nova Anterior

Biomasa en Brollón

Seguinte Nova

Festival de homenaxe a Pink Floyd en Salcedo

Últimas noticias sobre ECONOMÍA

A %d blogueros les gusta esto: