SOBER CELEBRARÁ O SÁBADO 26 DE MAIO A XIII FESTA DOS MAIORES

O Concello de Sober celebrará o próximo 26 de maio a XIII Festa dos Maiores, que terá lugar no Pavillón Polideportivo do Colexio Virxe do Carme de Sober ao longo da xornada de sábado.

MISA SOLEMNE Á UNHA E MEDIA

Dende o departamento de Servicos Sociais, están a elaborar un programa de actos, que incorpora como novidade para este ano a celebración dunha Misa solemne ás 13,30 horas. O acto relixioso será o primeiro dos actos festivos da xornada, que continuará coa primeira actuación do humorista Campurro antes do xantar.

MENÚ DA FESTA DOS MAIORES

O menú da Festa dos Maiores estará composto por empanada, pulpo á feira e carne asada con pementos, e de postre, larpeira rechea. Estes platos estarán acompañados con viño da subzona de Amandi, dentro da Denominación de Orixe Ribeira Sacra.

AGASALLOS PARA OS MÁIS VELLOS DA FESTA

Unha vez finalizado o xantar, Campurro realizará a súa segunda actuación. O fin de festa será un sorteo dun centenar de agasallos entre os participantes, e un baile amenizado por un grupo musical. A organización da Festa dos Maiores ten previsto facer entrega dun obsequio especial á muller e ó home máis vellos que asistan á festa, así como á parella con máis anos de matrimonio. O Concello de Sober estima unha participación de máis de 300 persoas. Haberá servizo gratuito de autobuses dende diferentes puntos do municipio. O prezo por comensal é de 9 euros. Os interesados poden inscribirse nas oficinas do Concello ou da Casa da Cultura de Sober, ou chamando ós teléfonos 982 46 00 01 e 982 46 05 13.

Deixa unha resposta

Your email address will not be published.

Nova Anterior

100.000 euros para mellorar camiños en Gundivós, Santa Cruz de Brosmos e Doade

Seguinte Nova

Sober continúa coas actividades de reciclaxe

Últimas noticias sobre INICIATIVAS

A %d blogueros les gusta esto: