A Xunta adianta ós concellos de Lugo os anticipos das axudas para servizos sociais comunitarios

A Xunta ven de comunicar o pago ós 67 concellos da provincia de Lugo dos anticipos correspondentes ás axudas destinadas a financiar os servizos sociais comunitarios. Segundo explicaron os responsables da delegación territorial da Xunta en Lugo, os concellos están a recibir estas partidas con máis cinco meses de adianto con respecto ao ano anterior, cando o pago dos anticipos se realizou en outubro.

A delegada territorial da Xunta en Lugo, Raquel Arias, durante a súa intervención explicando o decreto de Servizos Sociais. Arquivo EC.

O NOVO DECRETO DE SERVIZOS SOCIAIS COMUNITARIOS PERMITE ESTE ADIANTO NO PAGO

Asimesmo, explicaron que esta axilización de parte do financiamento, que na provincia de Lugo ascende a preto de 2,5 millóns de euros (2.473.806,19 euros), e en Galicia acada os 12,4 millóns de euros, prodúcese grazas ao novo decreto de servizos sociais comunitarios posto en marcha pola Xunta, no que se establecía o pago nos primeiros meses do ano por estes conceptos.

PAGO DO SAF BÁSICO E PERSOAL TÉCNICO ENSERVIZOS SOCIAIS EN CONCELLOS DE MÁIS DE 20.000 HABITANTES, E MANTEMENTO DOS TRABALLADORES SOCIAIS EN TODOS OS MUNICIPIOS

Dende a delegación territorial da Xunta en Lugo indicaron que os conceptos que se financian correspóndense a adiantos dos conceptos do Servizo de Axuda no Fogar (SAF), básico para os concellos de máis de 20.000 habitantes; á subvención para o mantemento dos traballadores sociais de todos os concellos, así como para o persoal técnico destes servizos nos concellos de máis de 20.000 habitantes. Ademais, tamén se executou o primeiro pago correspondente ao servizo de axuda no fogar de dependencia.

CÁLCULO DOS IMPORTES ADIANTADOS A CADA CONCELLO NOS DIVERSOS CONCEPTOS

Para calcular os adiantos a percibir por cada concello, tívose en conta o financiamento recibido o ano anterior polos conceptos de SAF básico e por traballadores sociais e outro persoal técnico; mentres que para o SAF dependencia estimouse grazas a unha nova aplicación informática na que se coñece o número de usuarios durante o primeiro trimestre e as horas de atención prestadas.

Deixa unha resposta

Your email address will not be published.

Nova Anterior

O Banco de Terras de Galicia recibe máis de 600 solicitudes de arrendamento

Seguinte Nova

Monforte acolleu un curso da CEL sobre o uso do Equipo de Protección Individual no traballo

Últimas noticias sobre INICIATIVAS

     
A %d blogueros les gusta esto: