O Banco de Terras de Galicia recibe máis de 600 solicitudes de arrendamento

A mediados do mes de maio, o director xeral de Desenvolvemento Rural da Consellería do Medio Rural e do Mar, Antonio Crespo Iglesias, informou de que o Banco de Terras de Galicia, adscrito á Axencia Galega de Desenvolvemento Rural (Agader), recibiu no seu primeiro período de solicitude para arrendamento de parcelas unhas 650 peticións, das cales o 65% son para uso agrario.

“CONFIANZA DOS AGRICULTORES E GANDEIROS NO BANTEGAL”

Crespo comentou que este dato mostra a confianza que teñen os agricultores e gandeiros nesta entidade xestora, tras duplicar as peticións existentes anteriormente ao longo de todo un ano.

XORNADAS DE INFORMACIÓN PARA DEMANDANTES E OFERTANTES DE TERRAS

Antonio Crespo resaltou que dende a entidade xestora do Banco de Terras se está levando a cabo un programa de asesoramento e información para facilitar os labores de xestión tanto dos demandantes como dos ofertantes de terra, e mostra disto son as xornadas de información que se realizan polas distintas comarcas a petición dos propios gandeiros e agricultores.

VALORACIÓN “MOI POSITIVA” DAS PRIMEIRAS APLICACIÓNS DA LEI DE MOBILIDADE DE TERRAS

Pola súa parte, responsables da Consellería de Medio Rural e do Mar valoraron “moi positivamente” os primeiros pasos que se están a dar na aplicación da Lei de Mobilidade de Terras de Galicia, tralos datos obtidos ata o de agora. Explican que “a eliminación de medidas tan intervencionistas coma os dereitos de tenteo e retracto están a permitir que os propietarios de parcelas con vocación agraria xeren un maior dinamismo na compra-venda de terra, ao eliminar unha burocracia que resultaba excesiva”.

Deixa unha resposta

Your email address will not be published.

Nova Anterior

Sober, concello pioneiro na colaboración co Quiosco Verde de recollida de móbiles usados na provincia

Seguinte Nova

A Xunta adianta ós concellos de Lugo os anticipos das axudas para servizos sociais comunitarios

Últimas noticias sobre ECONOMÍA

     
A %d blogueros les gusta esto: