Durante os catro luns do mes de xuño, o Concello de Quiroga porá en marcha a actividade “Sendeirismo limpo polo río Quiroga”. Este programa vai dirixido a rapaces e rapazas de entre 8 e 12 anos, que percorrerán tramos do río Quiroga contribuíndo a manter limpos os espazos fluviais.
PREMIO DE CAMISETA E EXCURSIÓN
As marchas realizaranse das 16,30 horas ás 18 horas, e os participantes deberán ir equipados con merenda da casa, auga ou outra bebida refrescante e roupa e calzado cómodos. Como premio por limpar o río Quiroga, os participantes recibirán unha camiseta do concello de Quiroga e disfrutarán dun día de excursión a O Caurel con picnic incluído, o xoves 28 de xuño. Ademais, as clases da ludoteca rematarán o xoves 21, cunha festa de despedida. Os campamentos de verán comezarán o 1 de xullo.
