A Asociación de Empresarias de Lugo comprometeuse á difusión do Plan EMEGA entre as súas asociadas. Esta decisión encádrase dentro da actividade informativa que a Secretaría Xeral para a Igualdade da Xunta, encabezada pola súa titular, Susana López Abella, ven desenvolvendo para dar a coñecer este plan destinado ó fomento do emprendemento empresarial das mulleres, dotado nesta anualidade de 665.000 euros, e que conta cunha liña específica para emprendemento, realización de melloras nas empresas xa constituidas, consolidación e ampliación destas, e fomento da conciliación familiar. As interesadas nas diversas liñas do Plan EMEGA teñen prazo ata o 22 de xuño para presentar as súas solicitudes nas diversas modalidades deste Plan.
