“En Monforte somos máis” é o lema da campaña que o Concello de Monforte vai pór en marcha para incrementar o empadroamento de cidadáns residentes. Actualmente están empadroados en Monforte 19.673 habitantes, segundo os datos do Concello a día de hoxe, e 19.622 segundo os datos do Instituto Nacional de Estadística (INE) a 1 de xaneiro do 2011), mais son moitas as persoas que vivindo en Monforte aínda non están empadroadas.
FOTO DE FAMILIA
A primeira das accións desta campaña terá lugar o martes 19 de xuño, cando ás 11,30 horas se concentren na Praza da Compañía todos os cidadáns que o desexen para formar parte da fotografía que ilustrará a devandita campaña. Para a realización desta foto de grupo, dende o Concello suxiriron ós directores dos centros de ensino a participación do seu alumnado na concentración do martes, que acadou un apoio unánime.
Cargando ...
