Fin de curso na Casa da Cultura de Bóveda

Para pechar un ano de actividades no Centro Sociocultural de Bóveda, a Casa da Cultura municipal acolleu o pasado 22 de xuño unha tarde chea de música, teatro e diversión. Na festa de fin de curso, que deu comezo ás 18,30 horas, participaron as Escolas municipais de Danza Galega e de Música, e a Banda de Gaitas de Bóveda. A partires das 19,45 tivo lugar o Obradoiro de Karaoke a cargo do grupo Ni fu Ni fa Animación, actividade integrada no programa Letras Vivas da Xunta de Galicia. Xa o sábado, a compañía afincada en Brollón Teatro Monart representou a partires das 19 horas o espectáculo Kasi Circo, actuación integrada no programa Buxiganga promovido pola Deputación de Lugo para fomentar os grupos de teatro locais e a realización de espectáculos teatrais a nivel municipal.