O emblemático Club Lemos conta xa con novo presidente. Gaspar Pérez Carnero, actual presidente da Federación Galega de Xadrez, toma o relevo de Antonio Feijóo nunha nova etapa que se centrará “na búsqueda dun equilibrio entre o económico e o deportivo”, explica Carnero. “O obxectivo da nosa directiva baséase en dúas accións: por un lado, trataremos de sanear económicamente a entidade, e no eido deportivo intentaremos manter a categoría”.
MÍCHEL ENTRENARÁ Ó LEMOS
Para esta nova andadura, o equipo presidido por Pérez Carnero contará con Míchel como entrenador, que xa tivo oportunidade de establecer contacto coa plantilla. “A recepción por parte dos xogadores ó novo equipo directivo está sendo moi positiva”, comenta Pérez Carnero, “ata o punto de que está confirmado que podemos contar cunha parte importante dos xogadores para a vindeira tempada”.
PLANTILLA DEFINITIVA NUNS DÍAS
Aínda que recoñece que “están todavía aterrizando no Club”, Pérez Carnero comenta que están a levar algunha que outra sorpresa. “Todavía estamos vendo o que hai, pero si estamos encontrando algunhas cousas que non esperabamos, com o compromisos que se tiñan adquiridos e algúns pagos pendentes”, sinala. Polo de agora, están centrados en preparar o deseño da vindeira tempada, “e nos próximos días teremos xa confeccionada a plantilla”.