Monforte acada en Madrid o premio Escoba de Plata

Recoñecemento á implicación cidadá na limpeza urbana

Severino Rodríguez, alcalde de Monforte, recolle o premio Escoba de Prata concedido á vila do Cabe, de mans do Embaixador de México, Francisco J. Ramírez Acuña, en presencia de Rafael Apraiz Egaña (esquerda), director executivo de ATEGRUS, e José Mª Álvarez del Manzano (dereita), ex alcalde de Madrid e presidente de IFEMA. (Cedida ATEGRUS).

O pasado 14 de xuño, o alcalde de Monforte, Severino Rodríguez, recolleu en Madrid o premio Escoba de Prata concedido á nosa vila polo seu esforzo por mellorar a xestión de residuos e a limpeza urbana. Este ano optaban ós premios 28 concellos de toda España e de países sudamericanos. Quince destes concellos, entre eles Monforte, competían na categoría de “Escoba de Plata”. A nosa vila acadou o galardón na categoría de cidades de menos de 20.000 habitantes nun certame no que participaron cidades como Donostia, Bilbao, Xixón, A Coruña, Málaga, Toledo, Vigo, ou a mexicana Guadalajara.

MELLORAR A CALIDADE DE VIDA E A SOSTIBILIDADE DAS CIDADES

Esta iniciativa europea está impulsada a nivel nacional pola Asociación Técnica para la Gestión de Residuos y Medio Ambiente (ATEGRUS), e que este ano celebra a súa decimoterceira edición. O concurso está dirixido a Municipios, Diputacións, Comunidades Autónomas, Empresas Prestatarias de Servicios, Fabricantes de Bens de Equipo e Instalacións para a xestión de residuos e aseo urbano, entre outras entidades, para premiar os esforzos e realizacións co obxecto de estimular os avances tecnolóxicos e de concienciación que sirvan para ir mellorando a calidad de vida e a sostibilidade de cidades e industrias.

PROMOCIÓN DE MONFORTE COMO CIDADE LIMPA

Monforte estivo presente na Feira Internacional de Urbanismo e Medio Ambiente, durante a que se deron a coñecer os premios, cun stand propio durante catro días, difundindo a imaxe dunha cidade moderna que aposta pola sustentabilidade medio ambiental. En dito stand, instalouse unha reportaxe fotográfica da cidade e un vídeo onde se plasman diversos aspectos da limpeza e a recollida de lixo en lugares destacados da vila, xunto coa maqueta gañadora do concurso de reciclaxe que o Concello convocou entre os centros de ensino.

O ALCALDE FELICITA ÓS VECIÑOS POR ESTE PREMIO, E POLO SEU TRABALLO EN PROL “DUNHA CIDADE MELLOR”

O Concello felicitou ós veciños e veciñas pola consecución deste galardón, e agradeceu “a súa implicación na procura dunha cidade mellor e máis atractiva para os que aquí vivimos e para as persoas que nos visitan”. Pola súa parte, o sindicato UGT-Lemos, entre outros colectivos, congratulouse deste galardón concedido á cidade de Monforte.

Deixa unha resposta

Your email address will not be published.

Nova Anterior

Demografía e sector agrogandeiro entran en xogo na colaboración entre administracións

Seguinte Nova

O nó loxístico de Monforte, “espazo fundamental para o desenvolvemento de Galicia”

Últimas noticias sobre GALERÍA

     
A %d blogueros les gusta esto: