Neste encontro, a titular autonómica falou co rexedor soberino do balance de actividades do Hospital Comarcal de Monforte dende 2008 a 2011. Rocío Mosquera transmitiu ao responsable municipal que a Consellería de Sanidade e o Servizo Galego de Saúde “están comprometidos en garantir a mellor atención sanitaria aos enfermos de Sober”, tanto dende a atención no centro de saúde coma na atención especializada no hospital.
Transferencia do centro de saúde ó Sergas
Pola súa parte, Luis Fernández Guitián solicitou á Conselleria o impulso para a transferencia ó Sergas do centro de saúde de Sober, do que xa se firmou un convenio.
