O Impulsa Lugo organizou un seminario en Sarria para promover o espíritu emprendedor e a creación de empresas

Nesta iniciativa, desenvolvida polo Igape dentro do Impulsa Lugo e coa colaboración do Grupo GDR 6- Asociación Os Sete Castros, abordáronse as nocións básicas sobre as que debe basearse un proxecto empresarial, a figura do empresario e os recursos e ferramentas que a Consellería de Economía e Industria, a través do Igape, de BIC Galicia e de Xesgalicia pon a disposición das persoas que estean dispostas a poñer en marcha un negocio. Outro dos obxectivos do seminario foi difundir como se xeran as ideas empresariais ou o de rachar mitos arredor da figura do emprendedor, amosando a través de experiencias persoais de emprendedores galegos que calquera persoa coa debida motivación, con esforzo e asesoramento idóneo, pode desenvolver un proxecto empresarial.