2 millóns de euros para as infraestruturas no rural do sur de Lugo

Monforte acolleu a firma dos convenios sobre Proxectos Estratéxicos de Infraestruturas no Medio Rural (PEIM) cos alcaldes dos 29 municipios beneficiados

Esta parte do Plan complementa á executada polo Goberno galego o ano pasado

Un momento da firma dos convenios PEIM cos 29 alcaldes dos concellos beneficiados, realizada na Escola de Capacitación Agraria de Monforte, coa presencia do secretario xeral de Medio Rural e Montes, Tomás Fernández-Couto, a delegada territorial da Xunta en Lugo, Raquel Arias, e o director xeral de Desenvolvemento Rural, Antonio Crespo. GPMR.

A Escola de Capacitación Agraria de Monforte foi o punto de reunión dos representantes da Xunta de Galicia e os alcaldes dos 29 municipios do sur da provincia de Lugo incluídos dentro do plan de Proxectos Estratéxicos de Infraestruturas no Medio Rural (PEIM). Durante este encontro, tivo lugar a firma dos convenios da segunda fase de execucións deste plan, que conta cun investimento de 2.020.600 euros aportados polo Ministerio de Agricultura, Alimentación e Medio Ambiente, logo que a Xunta de Galicia executara o pasado ano a parte que lle corresponde nesta iniciativa de colaboración entre a Administración autonómica e central.

OBXECTIVOS DESTES PROXECTOS

Segundo explicaron os representantes da Xunta, o obxectivo fundamental das obras enmarcadas nestes proxectos é “dignificar e mellorar a calidade de vida da poboación que reside nestas zonas”, e “contribuír a arranxar as deficiencias que persisten en determinadas zonas rurais de Galicia”.

APOIO ÓS CONCELLOS PARA QUE POIDAN REALIZAR AS OBRAS, E MANTEMENTO DE PRETO DE 250 POSTOS DE TRABALLO NO SUR DE LUGO

Durante a firma dos convenios, a delegada territorial da Xunta en Lugo, Raquel Arias, suliñou o feito de que “a través deste programa o Executivo galego posibilita a realización de obras que serían difíciles de asumir polas economías dos concellos, e mellora a calidade de vida da poboación”. Asimesmo, Arias insistiu na repercusión destas actuacións sobre a dinamización económica dos pequenos municipios, xa que “esta iniciativa tamén favorece o mantemento de postos de traballo nas empresas adxudicatarias, na maioría dos casos pequenas empresas de ámbito local, que no caso da zona sur estamos a falar de arredor de 250 postos de traballo”.

COFINANCIACIÓN ENTRE XUNTA E MINISTERIO O PEIM

Rural é un plan que inclúe proxectos financiados pola Consellería do Medio Rural e do Mar e o Ministerio de Agricultura, Alimentación e Medio Ambiente co fin de levar a cabo actuacións en materia de desenvolvemento rural. No convenio establécese un marco xeral de cooperación onde se definen as liñas xerais de colaboración técnica e financeira en materia de infraestruturas rurais. Así, o convenio establece que a Xunta de Galicia realizará actuacións de infraestrutura rural, mentres que o Ministerio colaborará no financiamento de actuacións relativas a camiños agrícolas e pistas rurais. Esta parte do plan complementa á executada pola Xunta o ano pasado.

O PEIM, POR MUNICIPIOS

Logo da firma dos PEIM nas diversas provincias galegas, os responsables autonómicos anunciaron a contía das convenios con cada un dos municipios beneficiados no sur de Lugo. Así, na comarca de Chantada, Carballedo recibirá 82.130,80 euros, Chantada 93.629,88 euros, e Taboada 103.808,46 euros, a aportación máis elevada das consignadas para o sur provincial.

•COMARCA DE LEMOS

Na Terra de Lemos, Monforte percibirá 83.275,85 euros, a Bóveda corresponderanlle 47.824,27 euros, Pantón contará con 92.671,79 euros, e A Pobra do Brollón levará 64.326,48 euros. Pola súa parte, O Saviñao recibirá 83.567,33 euros e Sober 99.814,76 euros.

•TERRAS DE SARRIA E QUIROGA

Dentro da comarca de Sarria, 66.801,25 euros serán destinado a actuacións no Incio, 74.825,25 euros a Láncara, 68.771,46 euros a Paradela e 52.158,82 euros ó Páramo. Pola súa banda, Samos recibirá 59.528,80 euros, Triacastela 40.658,01 euros e Portomarín 58.664,60 euros. Asimesmo, estarán destinados a Quiroga 91.677,13 euros, 43.942,95 euros a Ribas de Sil e 48.824,17 euros a Folgoso.

Deixa unha resposta

Your email address will not be published.

Nova Anterior

José Manuel Barreiro defende as reformas do Goberno “para asegurar o noso Estado do Benestar”

Seguinte Nova

O servizo xurídico online para mulleres e vítimas de violencia de xénero rexistrou 90 consultas no primeiro semestre deste ano

Últimas noticias sobre INFRAESTRUCTURAS

     
A %d blogueros les gusta esto: