Máis de 150 rapaces participan nas actividades da primeira quenda do Campamento de Verán e do Campamento Lúdico Infantil

Inscripción nos torneos de agosto

O variado programa de actividades do Campamento de Verán para rapaces e rapazas de 5 a 14 anos está a acadar un cheo completo na primeira quincena deste mes. Un total de 125 participantes acuden ás actividades que se realizan nas instalacións deportivas de A Pinguela e os pavillóns dos IES Daviña Rey e Río Cabe, así como no Parque de Os Condes ata o 16 de xullo. Actividades deportivas como baloncesto, fútbol sala, tenis de mesa, ou voleibol, e obradoiros de teatro, baile e manualidades, entre outros, integran a oferta lúdico-deportiva desta edición que está a ter boa acollida, xa que para a segunda quenda de xullo só quedan 11 prazas libres.

ACTIVIDADES DE 2 A 5 ANOS

Para os máis cativos (de 2 a 5 anos) o verán ofrece a alternativa do Campamento Lúdico Infantil, que ten lugar nas instalacións de Kanguropark os días laborables entre as 10 e as 14 horas. Maxia, marionetas, contacontos, obradoiros de barro, maquillaxe e pintura de camisetas, alternan con xogos organizados e momentos de descanso ó longo da mañá.

I CAMPUS DE BALONCESTO CIDADE DE MONFORTE

Do 20 ó 24 de agosto celebrarase no Pavillón Municipal de A Pinguela o I Campus de Baloncesto Cidade de Monforte, iniciativa gratuita dirixida a rapaces e rapazas de 6 a 14 anos.

VI CAMPUS DE FÚTBOL CIDADE DE MONFORTE, REAL CLUB CELTA E FUNDACIÓN CELTA

Tamén en agosto, entre os días 6 e 10 celebrarase a VI edición do Campus de Fútbol Cidade de Monforte, coa colaboración do Real Club Celta de Vigo e a Fundación Celta. Esta actividade está dirixida a nenos e nenas entre 7 e 14 anos, e desenvolverase no estadio Luis Bodegas.

TORNEO DE BALONCESTO 3×3 E VOLEI PRAIA

O Concello de Monforte, en colaboración co C.B. Val de Lemos organiza un torneo 3×3 que se disputará o 11 de agosto nas pistas de baloncesto de A Compañía. Pola súa parte, o Concello organiza o III Torneo Voley Praia, que se celebrará no Parque dos Condes do 21 ó 26 de agosto. As inscripción para ambas competicións poden realizarse en horario de mañá nas oficinas das Casiñas.

CURSO DE TENIS

Pola súa parte, nenos e nenas de 6 a 12 anos poderán participar no Curso de Tenis que se desenvolverá os martes e xoves de agosto nas pistas de tenis de A Pinguela, en horario de mañá.