O servizo xurídico online para mulleres e vítimas de violencia de xénero rexistrou 90 consultas no primeiro semestre deste ano

A este servizo, posto en marcha pola Secretaría Xeral da Igualdade, pode accederse a través da web www.igualdade.xunta.es, e ten como obxectivo “dar unha resposta áxil e en tempo real, personalizada e gratuíta, e salvar as reticencias que se producen con frecuencia á hora de solicitar presencialmente asesoramento sobre violencia de xénero”. Segundo os responsables deste programa, Lugo foi a provincia con menor volume de consultas. O perfil da usuaria, xa que na súa maioría son mulleres (aínda que se rexistrou algunha consulta feita por homes), é unha muller de de 26 a 45 anos, con estudos universitarios, que consultan principalmente acerca de agresións, acceso á asistencia xurídica gratuíta, conciliación familiar, violencia de xénero e dereito de familia.