Firmado en Quiroga o convenio entre a Xunta e o Consorcio Ribeira Sacra

A secretaria xeral para o Turismo, Carmen Pardo, trala firma do convenio co presidente do Consorcio de Turismo Ribeira Sacra, Juan Carlos Armesto, acompañados pola delegada territorial da Xunta en Lugo, Raquel Arias, e o alcalde de Quiroga, Julio Álvarez. SXT.

O Telecentro de Quiroga acolleu a firma do convenio entre a Secretaría Xeral para oTurismo e o Consorcio de Turismo Ribeira Sacra. Este acordo suporá o investimento de 130.000 euros en accións promocionais do xeodestino Ribeira Sacra, dos cales 110.000 euros serán aportados pola Xunta de Galicia a través da Secretaría Xeral para o Turismo, e dos que un 80% proceden de Fondos Feder e o 20% de FCI. Pola súa parte, o Consorcio aportará os os 20.000 euros restantes.

VIÑOBÚS, NOVA WEB E REFORZO DE SINALIZACIÓN

Según explicaron durante a presentación do acto, este convenio ten como obxecto a subvención de actividades relacionadas coa promoción, dinamización e fomento do turismo do xeodestino Ribeira Sacra. As actuacións inclúen unha nova páxina web, a reedición de material promocional, a edición de folletos virtuais en 3D, o reforzo da sinalización, campañas de promoción, o Viñobús, as rutas do Románico ou acordos de comercialización e feiras promocionais.

TRABALLO CONXUNTO DOS CONCELLOS NO XEODESTINO

Carmen Pardo destacou “a dispoñibilidade e colaboración do Consorcio de Turismo e dos concellos” que o integran porque “están a traballar conxuntamente na execución como xeodestino destes convenios para potenciar turisticamente a zona e para poñer en valor os seus recursos”. A secretaria xeral para o Turismo explicou que o obxectivo destes convenios é “continuar coa colaboración interadministrativa para facer destinos turísticos singulares e diferenciadores que especialicen a súa oferta”.

QUIROGA, “EXEMPLO DA BELEZA DA RIBEIRA SACRA”

Pola súa parte, a delegada da Xunta de Galicia en Lugo, Raquel Arias, destacou que Quiroga acolleu a firma deste convenio “xa que representa un exemplo a pequena escala da beleza que encerra toda a Ribeira Sacra”. Arias suliñou que “en Quiroga atopamos tesouros naturais e o debuxo na pedra da xeografía desta zona, así como festas de produtos distintivos deste entorno, como o viño ou o aceite”.

Deixa unha resposta

Your email address will not be published.

Nova Anterior

Un verán de golf en Pantón

Seguinte Nova

DECORADOS “DE CINE” EN QUIROGA

Últimas noticias sobre INICIATIVAS

A %d blogueros les gusta esto: